Outro nome para farrapo
Aldraxe segundo o dicionario da RAG significa varias cousas e pode ser tanto masculino coma feminino.
O significado que eu coñecía: a acción ou efecto de aldraxar (ofender de obra ou de palabra).
E outros que eu non escoitara nunca: anaco de tea moi gastado e roto ou unha peza de roupa moi gastada e rota.
Sinónimos de aldraxe co significado do tecido gastado e roto hai moitos:
aldraxo, bandallo, béldrago, calaza, capizo, cerello, ciringallo, fargallo, farrapo, galdrapo, miato, torgallo, trapallo, trapo, trincho, zarampallo, zarangallo, zarapallo, zarapello…
Como lle dicides vós? Empregades aldraxe para un farrapo?
Se queres apoiar ao Peto mira aquí.
