A palabra cismar no vocabulario galego

Hai uns días chegou unha mensaxe na que M. explicou que o seu avó emprega sismar cando matina moito ou está a remoer algo que lle preocupa, e que emprega tamén o adxectivo sismático, do que atopei que pode significar preocupado ou apreensivo.

A pregunta de M. é: En que lugares de Galiza empregades cismar ou sismar?

Cando apareceu por aquí a palabra matinar, e cismar coma o seu sinónimo, algunhas persoas escreberon que cismar a empregan na Limia, en Noia (con seseo), Arbo e Carballiño.

Cismar é pensar nalgo moito, obsesivamente e con insistencia. Tamén pode ter o sentido de estar preocupado, ou meditando. Sinónimos deste verbo son remoer, cavilar, matinar, maxinar ou incinir.

Cisma é unha preocupación constante ou idea fixa.

Se queres apoiar ao Peto mira aquí.