Un paxaro amarelo con moitos nomes en galego

Aquí tedes un fermoso paxaro marelo e negro. O vichelocrego.

Este animaliño pasa o inverno nos trópicos, e despois emigra a Europa e Oriente Medio para pasar o verán.

Pero penso que máis incrible cas súas cores e o viaxeiro que é, son a morea de nomes que ten en Galiza:

amarelenta, ateiro, avión, avionrodrigo, bagullo, baraceiro, cabaleiro, collichelomillo, crego, domingolirón, domingonobelo, figorrodrigo, gaio cereixeiro, gaiomarelo,
lampafigos, mareleiro, mariarrosa, mariaviou, merlomarelo, millangarrido, milleiro, milpéndora, mingolirou, nicolao, ouriolo, papafigos, papagaio, pedropequeno, regoleirón,
rodrigavión, vichelocrego, tiroliro.

E aínda lin estes outros buscando máis sobre este paxaro: crego marelo, bicho do crego, mereleiro, villaogarrido, velaugarrido… e sei que aínda pode haber moitos máis!

Sabiades que o concello de Ourol (Lugo) ten dous destes paxaros no seu escudo?

Como lle dicides vós? Coñecedes algúns destes nomes?